وەزارەتی خوێندنی باڵا و توێژینەوەی زانستی ڕەزامەندی دا لەسەر خەرجکردنی دەرماڵەی مەترسی بۆ مامۆستایانی کۆلێژی ئەندازیاری لە پشووەکانی مانگی 7 و 8. ئەم بڕیارە بەپێی نووسراوی فەرمی ژمارە 10909 لە ڕێککەوتی 2ی تەمووزی 2026 دەرچووە.
مەرجی پێدانی دەرماڵەکە ئەوەیە کە ئەو مامۆستایانە ئەرکی سەرپەرشتیکردنیان پێ سپێردرابێت. بەپێی یاسا، مامۆستایانی زانکۆ لە 1ی 7 تا 31ی 8 لە پشووی فەرمیدان و چەند دەرماڵەیەکیان (وەک هاندان و مەترسی) لێ دەبڕدرێت، بەڵام ئەم بڕیارە جیاوازە دەرماڵەی مەترسی بۆ مامۆستایانی ئەندازیاری سەرپەرشتیکار دەگەڕێنێتەوە.