ئاگادارییەک بۆ هاوڵاتییانی هەرێمی کوردستان

هاووڵاتییانی بەڕێز، لەم کاتەی بارانبارینی بەخوڕ و بەفربارینە، زۆر بەوریاییەوە شۆفێری بکەن و ڕێنماییەکانی بەرگریی شارستانی جێبەجێ بکەن:

1- لە کاتی بارانی بەلێزمە، بە خێرایی شۆفێری مەکە بۆ پاراستنی گیانی خۆت و سەرنشینەکانت.
2- لەو شوێنانە دووربکەوە کە نزمایین و ئاوی لێ کۆبووەتەوە، تا دڵنیا نەبیتەوە لە ڕادەی قوڵی ئاوەکە، بە ئۆتۆمبێلەکەت پێیدا تێمەپەرە.
3- لە کاتی بەفرباریندا، بە وریاییەوە شۆفێری بکە، تا تووشی خلیسکانی ئۆتۆمبێل نەبیت.
4- لە کاتی گەشتکردندا بۆ ناو بەفر، لە شەقامە گشتییەکان دوورمەکەوە، سەردانی شوینە دوورە دەستەکان، سەرچیا و قەدپاڵی چیاکان مەکە.
5- لە کاتی چوونت بۆ ناوبەفر بە وریاییەوە ڕێ بکە، چاڵ و قوڵییەکان بە هۆی بەفرەوە دادەپۆشرێن و ناتوانیت بیانبینیت.
6- گرووپە شاخەوانییەکان لە کاتی کەشوهەوای بارانی بەلێزمە و بەفرباریندا، نابێت گەشت بۆ شوێنە بەرز و ناوچە شاخاوییەکان بکەن.
7- لە کاتی بوونی هەر ڕووداوێک لە هەر کاتێک و شوێنێکدا بن، دەتوانن پەیوەندی بە هێڵی گەرمی 115 تیمی فریاگوزاریی بەرگریی شارستانی بکەن.