ئەفسانەی بەڕازیلی ڕۆناڵدۆ نازاریۆ ڕایگەیاند کە هەڵبژاردەی ئیسپانیا لە سەرەتاوە تا کۆتایی کۆنترۆڵی یارییەکەی کردووە و سەرەڕای ئەوەی بە جیاوازییەکی گەورەی گۆڵ نەیانبژاردووە، بەڵام جیاوازی ئاست و کوالیتی لە نێوان هەردوو هەڵبژاردەکەدا زۆر گەورە بووە.
ناوبراو لەبارەی شێوازی یاریکردنی ئەرجەنتین و بەراوردکردنی بە فەلسەفەی ئیسپانییەکان ڕوونی کردەوە کە تەنانەت لەگەڵ بوونی مێسیشدا، ئەرجەنتینییەکان نەیانتوانیوە ڕکابەری ئیسپانیا بکەن، چونکە لەم مۆندیالەدا هەرگیز تۆپی پێیەکی جوانیان پێشکەش نەکردووە و تەنها پشتیان بە شەڕکردن بەستووە.
لە کاتێکدا بۆ بردنەوەی مۆندیال پێویستت بە کۆمەڵە و هێزی تەواوی تیپەکە هەیە نەک تەنها یەک یاریزانی بەهرەمەند. لە کۆتاییشدا جەختی لەوە کردەوە کە ڕۆدری کاندیدی ژمارە یەکە بۆ بردنەوەی خەڵاتی تۆپی زێڕین، چونکە دیارترین و کاریگەرترین یاریزانی پێکهاتەی ئیسپانیا بووە لەم مۆندیالەدا و ئەم دەستکەوتە مێژووییە قورساییەکی زۆری دەبێت بۆ یەکلاکردنەوەی براوەی خەڵاتەکە.