کریستیانۆ رۆناڵدۆ و چەندین ئەستێرەی دیاری جیهان لە پێکهاتەی هەڵبژاردەی پۆرتوگالدا ناویان هاتووە بۆ ئەنجامدانی چوار یاریی گرنگ لە خولی نەتەوەکانی ئەوروپا (نەیشنز لیگ).
خۆرخی خیسۆسی راهێنەری هەڵبژاردەکە، لیستی یاریزانە بانگهێشتکراوەکانی بۆ قۆناغی داهاتووی یارییە نێودەوڵەتییەکان بڵاوکردەوە، کە تێیدا ئەستێرەی مێژوویی و گۆڵکاری پۆرتوگال کریستیانۆ رۆناڵدۆ وەک هەمیشە پێشەنگی لیستەکەیە و سەرکردایەتی تیپەکە دەکات.
جگە لە رۆناڵدۆ، چەندین ناوی گەورە و یاریزانی شایستە بۆ ئەم ئەرکە بانگهێشت کراون، دیارترینیان بریتیین لە: جواو کانسێلۆ، رۆبن دیاز، نونۆ مێندێش، ڤیتینیا، جواو نێڤێس، برونۆ فێرناندێز و رافێل لیاو، کە بەشدارییان گورجتر و بەهێزتر دەکات بۆ پێکهاتەکە.
بڕیارە هەڵبژاردەی پۆرتوگال لەم پشووە نێودەوڵەتییەدا چوار یاریی قورس و چڕ ئەنجامبدات، کە پێکدێن لە دوو یاریی بەرامبەر هەڵبژاردەی نەرویج، سەرەڕای یارییکردن لەگەڵ هەردوو هەڵبژاردەی دانیمارک و وێڵز.