مانچستەر یونایتد بیر لەوە دەکاتەوە کە تۆماس توخێلی ئەڵمانی ڕاهێنەری پێشووی یانەی بایرن میونشن وەک جێگرەوەیەک بۆ ئیریک تێن هاگی ڕاهێنەری ئێستای یانەکەی دەستنیشان بکات.
بەپێی ڕۆژنامەی دەیلی مەیلی بەریتانی، ئیدارەی مانچستەر یونایتد بیر لە دوورخستنەوەی تێن هاگ و گواستنەوەی توخێل دەکاتەوە، دوای ئەوەی ئەنجامە خراپەکانی تیپەکە.
لەم وەرزەدا یانەی مانچستەر یونایتد خراپترین دەستپێکی مێژووی خۆی لە پریمەرلیگ بەدەستهێنا، دوای ئەوەی لە ٧ گەڕی یەکەمدا تەنها ٨ خاڵی کۆکردەوە.