مۆرینیۆ ڕاستییەکانی گواستنەوەی ڕۆناڵدۆ بۆ فەنرباخچە ڕوون دەکاتەوە

جۆزێ مۆرینیۆی پورتوگالی، ڕاهێنەری یانەی فەنرباخچە، وەڵامی هەواڵی گواستنەوەی کریستیانۆ ڕۆناڵدۆی هاونیشتیمانی، ئەستێرەی سعودی نەسری بۆ یانە تورکەکەی دایەوە.
مۆرینیۆ لە لێدوانەکانیدا کە لە ئەکاونتی فەرمی فابریزیۆ ڕۆمانۆ، پسپۆڕی مێرکاتۆ، لە تۆڕی “X”دا تیشکی خستۆتە سەری، وتی: هەواڵی گواستنەوەی کریستیانۆ ڕۆناڵدۆ بۆ فەنرباخچە شتێکی گاڵتەجاڕانەیە”.
ڕاهێنەرە پورتوگالییەکە دەشڵێت: ڕەنگە کریستیانۆ بێتە ئەستەنبوڵ بۆ خواردن، چونکە دەکەوێتە نیوەی ڕێگای نێوان سعودیە و پورتوگال، یان ڕەنگە سەردانی هاوڕێ کۆنەکەی جۆزێ بکات، لەوێ دەتوانین لە هۆتێلەکەم نان بخۆین!”