ئارسناڵ لەنێو ئەو یانانەیە کە ئارەزووی گواستنەوەی جولیان ئەلڤارێزی هێرشبەری یانەی ئەتلەتیکۆ مەدرید دەکەن، ئەمەش لە کاتێکدایە کە لیڤەرپوول و بەرشەلۆنە و بایرن میونشن کێبڕکێیان لەسەرە.
یاریزانە ئەرجەنتینییەکە وەرزێکی بەهێزی لەگەڵ ئەتلەتیکۆ بەسەر برد، لە 54 یاریدا 29 گۆڵی تۆمارکرد و سەرنجی یانە سەرەکییەکانی ئەوروپای بۆ لای خۆی ڕاکێشا.
سەرەڕای هەوڵەکانی ئارسناڵ بۆ بەهێزکردنی هێرشەکانی لە ژێر دەستی میکێل ئارتێتا، بەڵام هەواڵەکان ئاماژە بەوە دەکەن کە ئەلڤارێز لە مەدرید جێگیر بووە و لە ئێستادا ئارەزووی گەڕانەوەی بۆ خولی نایابی ئینگلیزی نییە، ئەتلەتیکۆ مەدرید بەنیازە لە ڕیزەکانی خۆیدا بمێنێتەوە.