پێدرۆ پۆرۆی ئەستێرەی هەڵبژاردەی ئیسپانیا بوارێکی سەرەکی ئاشکرا کرد کە بە کەمی دەزانێت لە هاوڕێی هەڵبژاردەکەی، لامین یامال، جەختی لەوە کردەوە کە خاوەنی توانایەکی گەورەیە و ئاستێکی باشی هەیە، بەڵام پێویستە بەرگری خۆی بەهێز بکات.
پێدرۆ دەڵێت: لامین گەنجێکی گەورەیە، دەبێت وەک هەموو کەسێک بەرگری بکات، ئێمە یەک خێزانین، ئەویش کارێکی نایاب دەکات، دەزانین چەندە باشە، ئەگەر بەشداری بەرگری بکات، ئەوا باشتر دەبێت، ئەگەر شتەکان بە باشی ئەنجام بدات، خەڵک باشتر دەیبینن.
هەروەها پێدرۆ ستایشی ڕۆحی تیمی کرد کە یاریزانەکان یەکدەخات و ئاماژەی بەوەدا کە کاری تیمی کلیلی سەرکەوتنە و لامین توانای باشتربوونی زیاتری هەیە بە تێپەڕبوونی کات.