کێڤن دی برۆینی بەلیجیکی یاریزانی یانەی ناپۆلی ئیتاڵی بەهۆی بێکانێکی سەختەوە لەیاریگاکان دووردەکەوێتەوە،کە بەپێی ڕاگەیاندراوی پزیشکی یانەی ناپۆلی دی برۆین ماسوولکەکانی ڕانی تووشی پێکان بوونە و ماوەیەکی درێژ لەیاریگان دادەبڕێت.
بەپێی لاکازێتا دیلۆ سپۆرتی ئیتاڵی دی برۆین بۆ ماوەی زیاتر لە 3 مانگ لەیاریگاکان دادەبڕێت،کە ئەمەش دەبێتە گورزێکی کوشندە بەر یانەی ناپۆلی دەکەوێت چونکە یاریزانەکە لەم وەرزەدا کاریگەری تەواوی هەبووە بەسەر شێواز و ئاست و ئەدای یانەکەی باشووری ئیتاڵیا.
دی برۆینی تەمەن 34 ساڵ هاوینی ئەمساڵ لە مانچێستەر سیتیەوە بەگرێبەستێکی ئازاد ڕووی کردە نابۆلی و 11 یاری بۆ ئەو یانەیە ئەنجامداوە،کە 4 گۆڵ و 2 ئەسیستی هەیە.
“سەرکار ڕێبوار”