پێگەی ترانسفێر نوێترین ریزبەندی گرانترین پێکهاتەی یانەکانی لەسەر ئاستی کیشوەری ئەوروپا بڵاوکردەوە کە پەیوەستە بە نرخی یاریزانەکانیان لە بازاڕی گواستنەوەدا.
ریاڵ مەدرید بە نرخی یەک ملیار و ٣٤٠ ملیۆن یۆرۆ لە پێشەنگی گرانترین پێکهاتەی یانەکانی ئەوروپادایە، نرخی پێکهاتەی مانچستەر سیتی یەک ملیار و ٣١٠ ملیۆن یۆرۆیە و لە پلەی دووەمی ریزبەندییەکەدایە.
لە پلەی سێیەمدا یانەی ئارسناڵ دەبینرێت و نرخی پێکهاتەکەی یەک ملیار و ٢٣٠ ملیۆن یۆرۆیە، یانەی پاریس سان جێرمان نرخی پێکهاتەکەی یەک ملیار و ٢١٠ ملیۆن یۆرۆیە و لە پلەی چوارەمدایە.
نرخی پێکهاتەی بەرشەلۆنە یەک ملیار و ١٧٠ ملیۆن یۆرۆیە و پلەی پێنجەمی ریزبەندییەکەی گرتووە، یانەکانی چێڵسی و لیڤەرپوڵ و بایرن میونشن و تۆتنهام لە پلەکانی شەشەم تا نۆیەمدان.
پێکهاتەی مانچستەر یونایتد بە نرخی ٧٤٧ ملیۆن یۆرۆ لە پلەی دەیەمە گرانترین یانەکانی ئەوروپادایە.