کۆمپانیای گووگڵ لە کۆنفرانسی ساڵانەی گەشەپێدەرانی خۆیدا بە فەرمی مۆدێلی نوێی زیرەکی دەستکردی بە ناوی جێمینی ٣.٥ فلاش ڕاگەیاند کە ههنگاوێکی گرنگە بۆ گۆڕینی ئاڕاستەی تەکنەلۆجیاکە لە چاتبۆتی سادەوە بۆ یاریدەدەری سەربەخۆ و هۆشمەند کە دەتوانێت ئەرکە ئاڵۆزەکان ڕاپەڕێنێت.
ئەم مۆدێلە نوێیە لە ڕووی خێرایی و توانای کۆدنووسین و جێبەجێکردنی کارەکان پەرەپێدانی گەورەی بەخۆیەوە بینیوە بە شێوەیەک کە لە زۆربەی تاقیکردنەوەکاندا سەرکەوتووە بەسەر مۆدێلی پێشووی جێمینی ٣.١ پرۆ و چوار هێندە خێراترە لە مۆدێلە هاوشێوەکانی تری بازاڕ.
گووگڵ ڕایگەیاندووە کە دەیەوێت جێمینی ٣.٥ فلاش وەک بزوێنەرێکی سەرەکی بەکاربهێنێت بۆ کارپێکردنی یاریدەدەرە سەربەخۆکان کە دەتوانن بۆ چەندین کاتژمێر بە شێوەی خۆکار کار لەسەر پرۆژەکان بکەن و کێشەکان چارەسەر بکەن نەک تەنها وەک چاتبۆتێک وەڵامی پرسیارەکان بدەنەوە
ئەم مۆدێلە نوێیە لە ئێستادا کراوەتە مۆدێلی بنەڕەتی لە بەرنامەی جێمینی و بەشی گەڕانی گووگڵ لە سەرانسەری جیهاندا هەروەها پشتبەستن بەم تەکنەلۆجیایە هاوکار دەبێت لە بەهێزکردنی سیستەمی نوێی جێمینی سپارک کە وەک یاریدەدەرێکی کەسیی بیست و چوار کاتژمێری کار دەکات بۆ ڕێکخستنی نامەکان و بەڕێوەبردنی کارەکان بە شێوەیەکی سەربەخۆ و خۆکارانە.