گروپێکی هاککەر سایبەری بەناوت شاینی هانتەرز ڕایگەیاند کە توانیویانە سێرڤەرەکانی سیستمی ئۆراکڵ پیپڵسۆفت لە زیاتر لە سەد زانکۆ و دامەزراوەی جیاوازدا هاک بکەن و ئەم سیستمەش بۆ بەڕێوەبردنی کاروباری کارگێڕی و دارایی و سەرچاوە مرۆییەکان بەکاردێت
زانیارییە دزراوەکان پێکهاتوون لە ناوی خوێندکاران و ژمارەی تەلەفۆن و ئیمەیڵ و دۆسیەی تەندروستی لەگەڵ زانیارییەکانی هاوکاری دارایی و گروپەکە سەرەتا هەوڵی هاککردنی سێرڤەرێکی دەزگای ئێف بی ئای دابوو بۆ بڵاوکردنەوەی ڕوونکردنەوەیەک بەڵام هێرشەکەی سەر ئێف بی ئای سەرکەوتوو نەبووە
هاککەرەکان کەلێنێکی ئەمنییان لە نەرمەکاڵاکەدا دۆزیوەتەوە و بە شێوازی بەکۆمەڵ هێرشیان کردووەتە سەر هەموو ئەو شوێنانەی سیستمەکە بەکاردەهێنن و تا ئێستا کۆمپانیای ئۆراکڵ هیچ لێدوانێکی فەرمی لەسەر ئەم دزەپێکردنە نەداوە.