لە ماوەی تەنیا هەفتەیەکدا ٤٥ کەس لە ناوچەکانی ژێر دەسەڵاتی حکوومەتی کاتیی سووریا کوژراون

ڕوانگەی سووری بۆ مافەکانی مرۆڤ ڕایگەیاند، لەدوای ڕووخانی ڕژێمی پێشووی ئەسەدەوە تا ئێستا، ٣١٧ کەس لە سەرتاسەری سووریا کوژراون، کە ٤٨یان ئافرەت و ٢٣یان منداڵن.
هاوکات، میدیایەکی نزیک لە هێزەکانی سووریای دیموکرات (هەسەدە) بڵاوی کردەوە، ڕووداوەکانی کوشتن لە سووریا ڕوویان لە زیادبوون کردووە، بەتایبەتی لە ناوچەکانی ژێر دەسەڵاتی حکوومەتی نوێی کاتی. بەپێی ئامارەکان، تەنیا لە سەرەتای مانگی ئەیلوولەوە ٤٥ کەس لەو ناوچانەدا کوژراون.
ئەو میدیایە ئاماژەی بەوەش کردووە، قوربانییەکان لە چەندین ڕووداوی جیاوازدا گیانیان لەدەست داوە و لەنێویاندا ٥ منداڵ و ٤ ئافرەت هەن.