وەزارەتی بەرگریی سعوودیە ڕایگەیاند، بۆ دڵنیابوون لە سەلامەتی و ئاسایشی حەجخوازان و پاراستنیان لە هەر ئەگەرێکی نەخوازراو، سیستەمی دژەمووشەکی لە چواردەوری شاری مەککە و لە نزیک شوێنە پیرۆزەکان جێگیر کردووە. ئەم بڕیارەش لە چوارچێوەی پلانی ئامادەیی هێزەکانی بەرگریی ئاسمانیی وڵاتەکەدایە.
هاوکات، هێزە ئەمنییەکانی سعوودیە نمایشێکی سەربازییان بۆ هەڵسەنگاندنی ئامادەیی خۆیان و جێبەجێکردنی پلانە ئەمنییەکان ئەنجامداوە.
جێی باسە، ئەم ڕێوشوێنانە لە کاتێکدا دێن کە ناوچەکە لە چەند مانگی ڕابردوودا، بەهۆی شەڕی نێوان (ئەمەریکا، ئیسرائیل) و ئێرانەوە شاهیدی گرژی و هێرشی مووشەکی بوو، هەرچەندە لەم دواییانەدا بەهۆی هەوڵەکانی نێوەندگیریی پاکستان و ڕێککەوتنی ئاگربەستەوە، گرژییەکان کەمیانوکردووە.