ئەمڕۆ دووشەممە، 25-5-2026، ڕۆیتەرز لە ڕاپۆرتێکدا ڕایگەیاند، محەمەد باقر قالیباف، سەرۆکی پەرلەمانی ئێران و عەباس عێراقچی وەزیری دەرەوەی ئێران گەیشتوونەتە دەوحەی پایتەختی قەتەر بۆ تاوتوێکردنی ئەگەری گەیشتن بە ڕێککەوتنی نێوان تاران و واشنتن.
ئاژانسەکە ئاماژەی بەوەشکردووە، گفتوگۆ بەردەوامەکان لە دەوحە لە نێوان شاندی ئێران و بەرپرسانی قەتەر زیاتر لەسەر پرسەکانی گەرووی هورمز و یۆرانیۆمی پیتێنراوی بەرزە، ئەمەش لە کاتێکدایە کە هەوڵە دیپلۆماسییەکان بەردەوامە بۆ کەمکردنەوەی گرژییەکانی ناوچەکە.
ئەم سەردانە دوای زنجیرەیەک پێشهاتی خێرای سیاسی و ئەمنی دێت، دیارترینیان باس لە ڕەشنووسی لێکتێگەیشتنی ئەمریکا و ئێرانە کە ڕێکخستنەکانی پەیوەست بە ئازادیی کەشتیوانی لە گەرووی هورمز و سووککردنی بەشێک لە سزاکان لەخۆدەگرێت، لە بەرامبەر بەڵێنەکانی ئێران پەیوەست بە بەرنامەی ئەتۆمی.
