کەناڵی 13ی ئیسرائیلی ڕایگەیاند کە هێزی ئاسمانیی ولاتەکەی هێرشەکانی بۆ سەر ئێران دەستپێکردووە. بەپێی ڕاپۆرتی ڕۆژنامەی “مەعاریف” و پشتڕاستکردنەوەی سوپای ئیسرائیل، شەپۆلێکی نوێی بۆردومانەکان چەند ئامانجێکیان لە کۆمەڵگەی پترۆکیمیایی ئێران لە شاری مەشهەد پێکاوە.
لە بەرامبەردا، میدیا فەرمییەکانی ئێران ڕایانگەیاند کە وڵاتەکەیان شەپۆلێکی نوێی مووشەکی ئاراستەی ئیسرائیل کردووەتەوە.
هاوکات لە بەرەی یەمەنەوە، گوتەبێژی حوسییەکان ڕایگەیاند کە بە مووشەک هێرشیان کردووەتە سەر ناوچەی “یافا” لە ئیسرائیل و ئامانجەکانیان پێکاوە، لە کاتێکدا سوپای ئیسرائیل ڕایگەیاند کە مووشەکێکی بالیستییان خستووەتە خوارەوە کە لە یەمەنەوە ئاراستە کرابوو.
لە هەمان کاتدا، حوسییەکانی یەمەن بڕیاری توندتریان دژی ئیسرائیل دەرکرد و هەموو جۆرە چالاکییەکی دەریاوانیی کەشتییەکانی ئەو وڵاتەیان لە دەریای سوور قەدەغە کرد.