ئەمڕۆ شەممە، 18ـی تەممووزی 2026، بازاڕەکانی کانزا گرانبەهاکان لە کاتی داخرانی هەفتانەیاندا بەردەوامییان دا بە ڕەوتی دابەزین و نرخەکان لەسەر ئاستی جیهانی و بازاڕەکانی ناوخۆدا نزمبوونەوەی زیاتریان بەخۆوە بینی.
لە بازاڕە جیهانییەکاندا، نرخی یەک ئۆنسە زێڕ هاتووەتە خوارەوە بۆ 4,017.32 دۆلار، یەک کیلۆگرام کەمبووەوە بۆ 129,159.68 دۆلار و یەک گرامیش لەسەر 129.16 دۆلار جێگیر بوو.
هاوکات لە بازاڕەکانی ناوخۆشدا و بەپێی نوێترین نرخەکانی سەندیکای زێڕنگران، بەهای عەیارەکان پاشەکشەی زیاتریان کرد؛ عەیارەی 22 دابەزی بۆ 927,827 دینار، عەیارەی 21 کەمبووەوە بۆ 885,653 دینار و عەیارەی 18ـیش لەسەر 759,131 دینار جێگیر بوو.
لەلایەکی دیکەوە، بازاڕی زیویش ڕووبەڕووی دابەزینێکی بەرچاو بووەوە، بە جۆرێک لە ئێستادا نرخی هەر ئۆنسەیەک زیو هاتووەتە خوارەوە بۆ 55.88 دۆلار، هەر کیلۆگرامێک بە 1,796.74 دۆلار مامەڵەی پێوە دەکرێت و نرخی هەر گرامێکیش گەیشتە 1.8 دۆلار.
شروڤەکارانی دارایی ئاماژە بەوە دەکەن، مانەوەی گرژییە جیۆپۆلەتیکییەکان لە ناوچەکە و کاریگەرییان لەسەر بازاڕی وزە، هاوشان لەگەڵ بەهێزبوونی چاوەڕوانییەکان بۆ هەنگاوە توندەکانی داهاتووی بانکی ناوەندیی ئەمریکا فیدراڵ ڕیزێرف لە بەرژەوەندیی بەهای دۆلار، وەک فشاری سەرەکی ماونەتەوە و هۆکارن لەسەر ئەم پاشەکشە بەردەوامەی بازاڕی کانزا گرانبەهاکان لە کۆتایی هەفتەدا.