بەشی ڕۆشنبیری و ڕاگەیاندنی پارتی دیموکراتی کوردستان، بەبۆنەی کۆچی دوایی هونەرمەندی ناوداری کورد (ساڵح ئامێدی)، پەیامێکی سەرەخۆشی ئاراستەی خانەوادە و کەسوکاری کۆچکردوو کرد.
لە پەیامەکەی بەشی ڕۆشنبیری و ڕاگەیاندنی پارتیدا هاتووە: “دڵگران بووین بە بیستنی هەواڵی کۆچی دوایی هونەرمەندی بەناوبانگ (ساڵح ئامێدی)، بەم بۆنە خەمناکەوە پرسە و سەرەخۆشیی خۆمان ئاراستەی خانەوادە و کەسوکار و بنەماڵە بەڕێزەکەتان دەکەین و خۆمان بە هاوبەشی خەمتان دەزانین.”
هەر لە پرسەنامەکەدا ئاماژە بەوە دراوە: “ئومێدەوارین دڵنەوایی و هاوخەمیی هونەرمەندان و خزمانی کۆچکردوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.”
ساڵح ئامێدی، یەکێک بوو لە هونەرمەندە ناسراوەکانی کوردستان کە خزمەتێکی زۆری بە هونەر و ئاوازی کوردی کردووە و کۆچی دواییەکەی بووە مایەی خەمباریی ناوەندە هونەری و ڕۆشنبیرییەکان.
بەشی ڕۆشنبیری و ڕاگەیاندنی پارتی دیموکراتی کوردستان
٩ی ئابی ٢٠٢٦