مەفرەزەکانی بنکەی پۆلیسی دارستان و ژینگەی سیتەک، لە چوارچێوەی هەڵمەتەکانیان بۆ پاراستنی ژینگە و ڕێگریکردن لە سەرپێچییەکان، توانییان دوو هاووڵاتی بە تۆمەتی هەڵکەندنی بیری نایاسایی دەستگیربکەن.
بەپێی زانیارییەکان، مەفرەزەیەکی بنکەی پۆلیسی دارستانی سیتەک بە فەرمانی ئەفسەری بنکە، دەرچوونێکی مەیدانییان بۆ سنووری گوندی (بناویلە) ئەنجامدا. لە ئەنجامدا توانییان دەستبگرن بەسەر ئامێرێکی بیرهەڵکەندن لە جۆری “بەرینە”، (١١) بۆری و یەک حەفارە، هەروەها دوو هاووڵاتییان بە تۆمەتی تێکدانی ژینگە و هەڵکەندنی بیری بێ مۆڵەت دەستگیرکرد.
لە ئێستادا پەڕاوی لێکۆڵینەوە بۆ تۆمەتباران ڕێکخراوە و ڕادەستی بەڕێز دادوەر کراوە، تاوەکو ڕێکاری یاساییان لەبەرامبەر بگیرێتەبەر.