سه‌ره‌ڕای به‌رده‌وامی شه‌ڕ له غه‌زه، ئه‌مڕۆ دووشه‌ممه ئه‌نتۆنی بلنكن وه‌زیری ده‌ره‌وه‌ی ئه‌مه‌ریكا گه‌یشته شانشینی عه‌ره‌بی سعودی، بۆ ئه‌وه‌ی ئاگربه‌ستێكی دیكه‌ی نێوان ئیسرائیل و حه‌ماس و رێككه‌وتنێكی دیكه ئازادكردنی بارمته‌گیراوه‌كان تاوتوێ بكات.
بڕیاره بلنكن له‌گه‌ڵ جێنشینی سعودیه، محه‌ممه‌د بن سه‌لمان و وه‌زیری ده‌ره‌وه‌ی سعودیه فه‌یسه‌ل بن فه‌رحان كۆببێته‌وه.
به‌پێی ئاژانسی رۆیته‌رز، بلنكن هه‌وڵی ئه‌وه ده‌دات دانوستانی نێوان ئیسرائیل و سعودیه بۆ ئاساییكردنه‌وه‌ی په‌یوه‌ندییه‌كانیان به‌ره‌و پێشه‌وه ببات، هه‌روه‌ها گفتوگۆ له‌باره به‌ڕێوه‌بردنی غه‌زه دوای شه‌ڕ ده‌كات.
بڕیاره بلنكن سه‌ردانی سعودیه و ئیسرائیل و میسر و قه‌ته‌ر بكات.
BBC