سەرۆکی پێشووی ویلایەتە یەکگرتووەکانی ئەمریکا، جۆ بایدن، لە کتێبی بیرەوەرییەکانی بە ناوی “ بەڵێنم پێ بدە ئەمریکا” کە لە مانگی تشرینی دووەمی داهاتوودا بڵاودەکرێتەوە، باسی ئالنگاری و سەرکەوتنەکانی سەردەمی ماوەی سەرۆکایەتی خۆی دەکات.
بایدن ئاماژەی بۆ ئەوە کرد، لە قۆناغێکی ئاڵۆزدا دەستبەکاربوو کە وڵاتەکە ڕووبەڕووی لێکەوتەکانی ڕووداوەکانی 6ـی کانوونی دووەم و پەتای جیهانی و داڕمانی ئابووری بووبووەوە.
لە کتێبەکەدا، جۆ بایدن جەخت لەسەر هەوڵەکانی دەکاتەوە بۆ چاککردنەوەی ژێرخانی ئابووری و کەمکردنەوەی تێچووی چاودێری تەندروستی.
هەروەها تیشک دەخاتە سەر هەوڵە دیپلۆماسییەکانی بۆ بەهێزکردنەوەی هاوپەیمانێتییەکان و پشتگیریکردنی ئۆکرانیا لە بەرامبەر هێرشەکاندا.
لە بەشێکی گرنگی پەڕتووکەکەدا، جۆ بایدن بۆ یەکەم جار هۆکاری پاشەکشەکردنی لە کێبڕکێی هەڵبژاردنەکانی هاوینی ساڵی 2024 ئاشکرا دەکات، ئاماژەی بۆ ئەوە کرد، بەرژەوەندی نیشتمانی و پارتی خستووەتە پێش ئاواتە کەسییەکانی خۆی.