دکتۆر عەبدولفەتاح عەلی یەحیا ناسراو بە د.عەبدولفەتاح بۆتانی، نووسەر، مێژوونووسی کورد و سەرۆکی پێشووی ئەکادیمیای کوردی، کۆچی دوایی کرد.
ئەمڕۆ سێشەممە، ١ی ئەیلوولی ٢٠٢٦، لقی هەولێری یەکێتیی نووسەرانی کورد لە ڕاگەیەندراوێکدا بە خەم و پەژارەیەکی زۆرەوە هەواڵی کۆچی دوایی د. عەبدولفەتاح عەلی یەحیای راگەیاند.
لە پەیامی یەکێتیی نووسەرانی کورددا هاتووە: “پرسە و سەرەخۆشیی خۆمان ئاراستەی کەسوکار، بنەماڵەی بەڕێزیان، هاوڕێ و دۆستانی خوالێخۆشبوو دەکەین. داواکارین لە یەزدانی مەزن بە بەهەشتی بەرینی شاد بکات و ئەمە دوا ناخۆشیی بنەماڵەکەیان بێت”.
د. عەبدولفەتاح عەلی یەحیا وەک یەکێک لە ژێرخانە ئەکادیمی و مێژووییەکانی کوردستان، ڕۆڵێکی بەرچاوی لە تۆمارکردن و توێژینەوەی مێژووی کورددا هەبووە و یەکێک لە دامەزرێنەرانی زانکۆی دهۆک بووە.