ئه‌مڕۆ دووشه‌م له سنووری ئیداره‌ی سه‌ربه‌خۆی راپه‌ڕین 24 هه‌لی دامه‌زراندن بۆ ده‌رچووانی كۆلیژ و په‌یمانگه پزیشكییه‌كان راگه‌یه‌نرا.
به‌ڕێوه‌به‌رایه‌تی گشتیی ته‌ندروستی راپه‌ڕین رایگه‌یاند: بە مەبەستی پێشکەشکردنی زیاتری خزمەتگوزاری تەندروستی لە سنووری بەڕێوەبەرایەتی گشتیی تەندروستی ڕاپەڕین، 24 هەلی دامەزراندن بەشێوەی گرێبەست کە دەرچووانی کۆلێژی پەرستاری و بەشی سڕکردن پەیمانگه دەگرێتەوە، ڕادەگەیەنێت.
راشیگه‌یاند: دەرچووانی ئەو دوو بەشە دەتوانن لە ڕێگەی ئەم لینکەی خواره‌وه زانیارییەکانیان بنێرن.
ته‌ندروستی راپه‌ڕین ئاماژه‌ی به‌وه‌ش دا كه دوا وادە بۆ پڕكردنه‌وه‌ی فۆڕمه‌كان ڕێكه‌وتی 15ـ2ـ2024 دەبێت.