ئەڤرۆ ڕۆژا سێشەمبی، ٢٧ێ چریا ئێکێ یا ٢٠٢٦ێ، ب سەرپەرشتیا ماجد سەید ساڵح، جێگرێ پارێزگارێ دهۆکێ و ب ئامادەبوونا بەرپرس و نوێنەرێن دامودەزگەهێن پەیوەندیدار، کۆمبوونەک دەربارەی ڕێکخستنا ڤەگوهاستن و گەهاندنا قوتابی و فەرمانبەران هاتە ئەنجامدان.
د کۆمبوونێدا، بەحسێ جێگیرکرنا بهایێن کرێیێن هەیڤانە و ڕۆژانە یێن ڤەگوهاستنا قوتابییێن قوتابخانە، زانکۆ و پەیمانگەهان و فەرمانبەرێن دامودەزگەهێن جودا هاتەکرن.
لایەنێن پەیوەندیدار هاتنە ڕاسپاردن کو ڕێکخستنا نڤیسینگۆهێن هاتنوچۆنێ ب شێوەکێ یەکسان بکەن و پابەندی ڕێنمایێن یاسایی ببن.
هەروەسا جەخت ل سەر هەبوونا دەستوورییا کارکرنێ یا شوفێران ب ڕێکێن یاسایی هاتەکرن، دا کۆ د دەمێ هاتنوچۆنێدا گیان و سلامتیا قوتابی و فەرمانبەران بپارێزن.