zagros news agency

به‌ ڤیدیۆ.. پۆلیسی هەولێر دوو تۆمەتباری داواکراوی بە چەکی بێمۆڵەت و ئۆتۆمبێلی ژمارە ساختەوە دەستگیرکرد

بەڕێوەبەرایەتی پۆلیسی پارێزگای هەولێر دەستگیرکردنی دوو تۆمەتباری ڕاگەیاند، کە تۆمەتبارن بە دزینی تابلۆی ئۆتۆمبێل و ئەنجامدانی چەندین تاوان.

بەپێی ڕاگەیەندراوێکی بەڕێوەبەرایەتی پۆلیسی پارێزگای هەولێر، بەشی نەهێشتنی تاوان / نووسینگەی تاوانی باکوور، توانیویانە دوو تۆمەتبار بە ناوەکانی (م. ش. ی.) و (ع. ع. م.) دەستگیر بکەن.

پۆلیس ئاماژەی بەوەش کردووە، ئەو دوو تۆمەتبارە لە چەندین نووسینگە و بنکە داواکراو بوون و تۆمەتبارن بە ئەنجامدانی چەندین تاوان، هاوکات تابلۆی چەندین ئۆتۆمبێلیان دزیوە و تاوانیان پێ ئەنجامداوە.

هەر بەپێی زانیارییەکانی پۆلیس، لە کاتی دەستگیرکردنی تۆمەتباراندا دەست گیراوە بەسەر ئۆتۆمبێلی ژمارە ساختە و چەکی بێمۆڵەت لە جۆری دەمانچە و کڵاشینکۆف، لەگەڵ کۆمەڵێک فیشەکدا.

لە ئێستاشدا تۆمەتباران لە چوارچێوەی ڕێکارە یاساییەکاندا مامەڵەیان لەگەڵدا دەکرێت.

هەواڵی پەیوەندیدار

سەدان دەرچووی بەشی پزیشکی لە پارێزگای زیقار خۆپیشاندانیان کرد

یاسین

بەهۆی بۆمبێکی چێندراو شەش سەرباز لە هێزەکانی پێشمەرگە و سوپای عێراق کوژران و بریندار بوون

سەڵاح

سێ هاووڵاتی بەهۆی تەقینەوەیەکەوە لە حاجیاوا گیانیان لەدەستدا و سێی دیکەش بریندار بوون

سەڵاح