zagros news agency

بەغدا گەڕاندنەوەی زیاتر لە 400 کۆچبەری راگەیاند

ئەمڕۆ شەممە، 21ـی تشرینی دووەمی 2026. ئەحمەد سەحاف، کاربەڕێکەری باڵیۆزخانەی عێراق لە لیبیا رایگەیاند، دوو کۆچبەری عێراقی بەشێوەیەکی خۆویستانە گەڕێندراونەتەوە وڵاتەکەیان.

سەحاف لە بەیاننامەیەکدا بۆ ئاژانسی هەواڵی عێراقی (واع) ئاشکرایکرد، باڵیۆزخانەکە ئەو دوو کۆچبەرەی گەڕاندووەتەوە عێراق، کە پێشتر بە نایاسایی چوونەتە خاکی لیبیا و ئامانجیان پەڕینەوە بووە بۆ ئەوروپا لە رێگەی دەریای ناوەڕاست.

سەحاف روونیکردەوە، باڵیۆزخانەکە هەوڵە مرۆیی، خزمەتگوزاری و کۆنسوڵگەرییەکان بەرزترین ئاست پێشکەش بە کۆچبەران دەکات، ئەوەش بەمەبەستی پاراستنی سەلامەتییان و گەڕاندنەوەیان بەشێوەیەکی خۆویستانە بۆ لای کەسوکاریان. جەختیکردەوە، باڵیۆزخانەکە تا ئێستا سەرکەوتووبووە لە گەڕاندنەوەی 410 کۆچبەر و بەردەوامە لە بەدواداچوون بۆ چارەنووسی ژمارەیەک کۆچبەری دیکە.

سەحاف داوای لە خێزانە عێراقییەکان کرد، خۆیان لە چالاکییەکانی تۆڕەکانی قاچاخچێتی و مرۆڤفرۆشی بەدوور بگرن. ئەو بەرپرسە روونیکردەوە، باڵیۆزخانەکە لە رێگەی سەکۆ فەرمییەکانی خۆیەوە بەردەوام هۆشداری و ئاگاداری لەبارەی مەترسییەکانی ئەو کارە بڵاو دەکاتەوە.

هەواڵی پەیوەندیدار

جامی یۆرۆ.. ئیسپانیا گۆڵبارانی جۆرجیا کردو بەئاسانی گەیشتە قۆناغی داهاتوو

یاسین

بژار حه‌كیم: دەستبردن بۆ وێنەی ڕەمز و سێمبوولی نەتەوەییمان بارزانیی نەمر، ئازادیی میدیایی نییە

سەڵاح

پۆستەری 78مین فێستیڤاڵی فیلمی کان بڵاوکرایەوە

ART