لیڤه‌رپول هه‌نگاوێك له ئه‌لۆنسۆ نزیك ده‌بێته‌وه شوبات 13, 2024 به‌رپرسانی یانه‌ی لیڤه‌رپولی ئینگلیزی له هه‌وڵدان چابی ئه‌لۆنسۆی راهێنه‌ری یانه‌ی بایه‌رن لیڤه‌ركوزنی ئه‌ڵمانی رازی بكه‌ن، بۆ ئه‌وه‌ی له وه‌رزی داهاتوو ئه‌ركی راهێنه‌رایه‌تی سوور پۆشه‌كان وه‌ربگرێت . دوای ئه‌وه‌ی یۆرگن كلۆب راهێنه‌ری ئێستای یانه‌ی لیڤه‌رپول بڕیاریدا له كۆتایی ئه‌م وه‌زره یانه‌ی لیڤه‌رپول جێ بهێلێت، به‌رپرسانی یانه ئینگلیزیه‌كه له‌هه‌وڵدان بۆ رازی كردنی چابی ئه‌لۆنسۆ بۆ وه‌رگرتنی ئه‌ركی راهێنه‌رایه‌تی لیڤه‌رپول . به‌پێی هه‌واڵی رۆژنامه‌كانی ئینگلته‌را، به‌رپرسانی یانه‌ی لیڤه‌رپول سه‌ردانی ئه‌لۆنسۆیان كردووه و له نزیكه‌وه قسه‌یان له‌گه‌ڵ كردوه بۆ ئه‌وه‌ی وه‌رزی داهاتوو ببێته راهێنه‌ری سوور پۆشه‌كان . له‌لایه‌كی دیكه به‌رپرسانی یانه‌ی به‌رشه‌لۆنه ئاره‌زوو ده‌كه‌ن گرێبه‌ست له‌گه‌ڵ ئه‌لۆنسۆ مۆربكه‌ن بۆ ئه‌وه‌ی سه‌رپه‌رشتی یانه‌ی كه‌ته‌لۆنی بكات له جێگه‌ی چاڤی هێرناندز .
