بەشی تەندروستیی غەززە بكاوی کردەوە، بەهۆی شەڕ و هێرشەکانی ئیسرائیل لە غەززە، تەنیا لە 24 کاتژمێری رابردوودا زیاتر لە 30 کەس کوژراون.
بەم شێوەیە ژمارەی کوژراوانی غەززە لە 7ی ئۆکتۆبەری رابردووەوە هەتا ئێستا گەیشتە 37 هەزار و 232 کەس، 85 هەزار و 37 کەسی دیکەش بریندارن.
زیاتر لە ٨مانگە شەڕی ئیسرائیل و حەماس بەردەوامە، سەرەڕای پێشنیاری ئەمەریکا بۆ ئاگربەست و پەسەندکردنی پڕۆژە بڕیاری ئاگربەست لە ئەنجومەنی ئاسایشی نەتەوە یەکگرتووەکان، بەڵام شەڕ لەنێوان سوپای ئیسرائیل و حەماس بەردەوامە و هەتا ئەم کاتە ئاسۆیەکی ڕوون بۆ کۆتاییهاتنی ئەم شەڕە لەبەر چاو نیە.