نەخۆشی شەکرە لەجۆری دوو یەکێکە لە نەخۆشیە درێژخایەن و ناڕەحەتەکان، بەرزبونەوەی ڕێژەی شەکر لەخوێندا دەبێتە هۆی تێکچوونی سوڕی خوێن، بێهێزبوونی بەرگری لەش و چەندین کاریگەری لاوەکی دیکەشی دەبێت.
خواردن و خواردنەوەکان ڕۆڵێکی گرنگیان لەسەر نەخۆشیەکان هەیە و مەترسی توشبوون بە نەخۆشیە جیاوازەکان کەمدەکەنەوە، توێژینەوە نوێیەکان دەریانخستووە خواردنەوەی قاوە مەترسی توشبوون بە شەکرە و بەرزبونەوەی ڕێژەی شەکر لەخوێندا کەمدەکاتەوە، لەگەڵ ئەوەشدا پێویستە زیادەڕەوی تێدانەکرێت بۆئەوەی زیانی تەندروستی نەبێت.
قاوە جێگرەوەیەکی زۆرباشی خواردنەوە گازی و شیرینەکانە، چونکە هیچ جۆرە شەکر و ڕەنگێکی تێدانییە، خواردنەوە گازی و شیرینەکان ڕێژەیەکی زۆر شەکریان تێدایە مەترسی توشبوون بە نەخۆشی شەکرەلەجۆری دوو زیاددەکەن و هەروەها هۆکارێکن بۆ نەخۆشیەکانی جگەر، دڵ، کلۆربوونی ددانەکان و شێرپەنجە.