گوتەبێژی حكوومەتی هەرێمی كوردستان سەركەوتنی گفتوگۆكانی نێوان هەردوو سەرۆك وەزیرانی عێراق و سەرۆك وەزیرانی هەرێمی كوردستانی راگەیاند.
ئەمڕۆ پێنجشەممە 11/7/2024، پێشەوا هەورامانی، گوتەبێژی حكوومەتی هەرێمی كوردستان ڕای گەیاند، لە دوای پەیوەندیی نێوان هەردوو سەرۆک وەزیرانی حکوومەتی فیدراڵ و سەرۆك وەزیرانی حکوومەتی هەرێمی کوردستان، ئەمڕۆ بڕیاری خەرجکردنی مووچەی مانگەکانی پێنج و شەشی هێزە ئەمنییەکانی هەرێمی کوردستان درا.
ئەمە لە كاتێكدایە كە چەند مانگێكە بە پاساوی جۆراوجۆر، لە لایەن وەزارەتی دارایی عێراقەوە ناردنی مووچەی پێشمەرگە و هێزە ئەمنییەكانی هەرێمی كوردستان دوادەخرێت.