هەوڵێکی سەیری بە قاچاخ بردنی پارە لە فڕۆکەخانەی نێودەوڵەتی قاهیرە ئاشکرا کرا، کە بووە جێگای مشتومڕی سۆشیاڵ میدیا.
بەرپرسانی فڕۆکەخانەی نێودەوڵەتی قاهیرە، توانیان سەرنشینێکی میسری دەستگیر بکەن کە بەرەو کوێت دەڕۆیشت، هەوڵیداوە یەک ملیۆن و 253 هەزار جونەی لەناو شاورمەدا بە قاچاخ ببات.
سەرچاوەیەک لە فڕۆکەخانەی قاهیرە بە ماڵپەڕی ڤیتۆی ڕاگەیاند، لەکاتی تەواوکردنی ڕێکارەکانی گەشتکردن بۆ سەرنشینانی فڕۆکەی ژمارە 615ـی میسر بۆ فڕۆکەوانی، کە بەرەو کوێت دەڕۆیشت.
بەرپرسانی فڕۆکەخانەکە گومانیان لە سەرنشینێکی میسری کرد لەکاتی پشکنینی جانتاکانیدا، بەرپرسانی فڕۆکەخانەکە بڕی یەک ملیۆن و 253 هەزار جونەیی میسریان دۆزییەوە کە لەناو خواردنی شاورمەدا شاردبوویەوە بۆ لاڕێدابردنی کارمەندانی ئەمنی.
ئەو سەرچاوەیە ئاماژەی بەوەشکرد، ڕێکاری یاسایی بەرامبەر سەرنشینەکە گیراوەتەبەر.
ئا:ج
