توێژینەوەیەک لە ئەمریکا دەریدەخات، زۆرخواردنەوەی قاوە، وزەبەخشەکان و خواردنەوە گازییەکان زیان بە دڵ و لوولەکانی خوێن دەگەیێنن.
توێژینەوەکە لەلایەن دامەزراوەی دڵ لە ئەمریکا کرا و پشتڕاستکراوەتەوە کە ئەو خواردنەوانەی رێژەیەکی زۆر لە کافایینەکانیان تێدایە، بەپێی تێپەڕینی کات مەترسیی لەسەر دڵ و لوولەکانی خوێن دروستدەکەن.
توێژینەوەکە ئاماژە بەوەدەکات، هەر کەسێک رۆژانە زیاتر لە 400 گرام کافایین بخوات واتە چوار کووپ قاوە یان دوو قوتوو خواردنەوەی وزەبەخش ئەوا لێدانی دڵ ناڕێکدەکات و ئەگەری تووشبوون بە نەخۆشیی درێژخایێنی بەرزەپەستانی خوێن زیاددەکات.
د. نێنسی کاگاراتا، سەرپەرشتیاری توێژینەوەکەیە و دەڵێت: بڕی کافایین کاریگەرییەکی راستەوخۆی لەگەڵ کۆئەندامی دەمار هەیە و تێکیدەدات بەمەش ئەگەری تووشبوون بە نەخۆشییەکانی دڵ و لوولەکانی خوێن زیاددەبن.