لە درێژەی یارییەکانی ئەمشەوی خولی ئیسپانیا، یانەی ریال مەدرید لە سانتیاگۆ بێرنابیۆ ڕووبەڕووی ئیسپانیۆل بوویەوە.
لە ئەنجامدا یانەی شاهانە توانی یارییەکە بە ڕیمۆنتادا و بە چوار گۆڵ بەرامبەر بە گۆڵێک شکست بە ئیسپانیۆلی میوانی بهێنێت.
لە تایمی یەکەمدا ریالی خاوەن یاریگا بەتەواوی کۆنترۆڵی یاریگایان گرتە دەست و چەندین هەوڵدرا بۆ هەژاندی تۆڕی گۆڵی یەکتر، بەڵام ئەو تایمە بەبێ گۆڵ مایەوە.
لە دووەم تایم و لە خولەکی 54 لە هێرشێکی پێچەوانەدا تیبۆ کورتوا بەهەڵە گۆڵێکی لەخۆیان دژی ئیسپانیۆل تۆمارکرد،
یانەی شاهانە بەمە نەوەستا و دوای تێپەڕینی تەنیا چوار خولەک گۆڵی بەرامبەری لەڕێگەی کارڤاخال تۆمارکردەوە.
دوای ئەوە یانەی ریال توانی بە سێ گۆڵی ڕۆدریگو، ڤینیسیۆس جۆنیۆر و کیلیان ئێمباپێ بە لێدانی سزا لە خولەکەکانی 75، 78 و 90 وەڵام بداتەوە.
بەم سەرکەوتنە، یانەی ریال مەدرید بەکۆکردنەوەی 14 خاڵ لە پلەی دووەمی ڕیزبەندیە، ئیسپانیۆلیش لە شەش یاری تەنیا حەوت خاڵی کۆکردۆتەوە.