لە هۆڵی ئوتێل چوار چرا لە هەولێر، رێوڕەسمی رێزلێنان لە نووسەر و ئەکادیمی، د. شوكریە رەسووڵ بەڕێوەچوو
رێوڕەسمەکە بە ئامادەبوونی ئومێد خۆشناو، پارێزگاری هەولێر، فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەك لە ئەدیبان و رۆشنبیران و هونەرمەندان و بەرپرسان، دامەزراوەی كەریمی عەلەكە رێوڕەسمێکی رێزلێنانی لەژێر ناونیشانی “شەكراوخان.. پارێزەری فۆلكلۆر و كەلەپووری كوردی” بەڕێوەبرد.
لە رێوڕەسمەکەدا، د. شوكریە رەسووڵ كورتە باسێكی پێشكەشكرد و سوپاسی دامەزراوەكە و ئامادەبوانی كرد بۆ ئەو رێزلێنانە.
هاوكات توێژەران د. مەولوود ئیبراهیم حەسەن، د. حەمە مەنتك و سابیر رەشید) سەرنج و تێڕوانینی خۆیان سەبارەت بە ئەزموونی د. شوكریە رەسووڵ خستەڕوو.
پاشان ژمارەیەكی نوێی گۆڤاری ئەدەبیی “وانەر” بەسەر ئامادەبووان دابەشكرا، كە دۆسییەیەكی تایبەت بە د. شوكریە رەسووڵی تێدابوو.
لە كۆتاییدا رێزلێنان و چەپكەگوڵ پێشكەش بە نووسەر كرا.
