وەزیری دەرەوەی ئێران هۆشداری دەدات ئیسرائیل

عەباس عێراقچی، وەزیری دەرەوەی ئێران جارێکی دیکە هۆشداریی بە ئیسرایل دا ئەگەر هێرش بکاتە سەر وڵاتەکەی، وەڵامی ئێران توندتر و بەهێزتر لە وەڵامەکانی پێشوو دەبێت و جەختی لەوەش کردەوە کە پەیامی وڵاتەکەی ڕوونە و بە هەموو شێوەیەک پشتیوانی لە بەرەی مقاومە دەکات.
عەباس عێراقچی گوتی: “پەیامەکە ڕوون بوو، کۆماری ئیسلامیی ئێران بە هەموو هێزی خۆیەوە پشتیوانی لە بەرەی مقاومە دەکات و نابێت هیچ کەسێک لەوە بەگومان بێت.”
عێراقچی گوتی: ئەو زەبرانە بە مقاومە کەوتووە ناتوانێت ئیرادەی مقاومە و کۆماری ئیسلامیی ئێران کەم بکاتەوە. پێشنیار بە ڕژێمی زانیۆنی دەکەین ئیرادەی کۆماری ئیسلامیی ئێران بەتاقی نەکاتەوە. هەر هێرشێک بکرێتە سەر وڵاتی ئێمە، وەڵامی ئێمە بەهێزتر لەوەی ڕابردوو دەبێت. هەموو جووڵە و زەبرێک بەوردی دەخەینە ژێر چاودێرییەوە و لە وەڵامدانەوەدا نە گومانمان دەبێت، نە بەدوای دەخەین و نە پەلەیشی تێدا دەکەین.”