لە یاری هەفتەی هەشتەمی خولی ئیتاڵیا، یانەی یۆڤانتۆس لە ئالیانز ئارینا میوانداری لازیۆی کرد.
لە ئەنجامدا یانەی خانمە پیرەکە بە تاکە گۆڵێكی بەهەڵە لە خۆیان شکستی بە لازیۆی هێنا.
لە تایمی یەکەم و لە خولەکی 24دا ناوبژیوان کارتێکی سووری دایە یاریزان ڕۆمانولی یاریزانی لازیۆ کردە دەرەوەی یاریگا، دوای ئەوە چەندین هەوڵدرا، بەڵام هیچکامیان سەرکەوتوونەبوون و ئەو تایمە بەبێ گۆڵ مایەوە.
لە تایمی دووەمدا، هەردوو یانە چەندین گۆڕانکاریان ئەنجامدا بۆ هەژاندی تۆڕی گۆڵی یەکتر، لازیۆ سەرەڕای کەمی یاریزانێک بە نایابی پارێزگاری لە چوارچێوەی گۆڵەکەی کرد تا لە خولەکی 85 ماریۆ گیلا بەهەڵە لە خۆیان گۆڵی بۆ یۆڤی تۆمارکرد.
بەم ئەنجامە، یانەی یۆڤانتۆس بە شێوەیەکی کاتی لە پێشەنگی ڕیزبەندیە بە کۆکردنەوەی 17 خاڵ، لازیۆش 13 خاڵی هەیە و لە پلەی شەشەمە.