لە درێژەی یارییەکانی ئەمشەوی نەیشینزلیگدا، هەڵبژاردەی یونان لەنێو خاکی خۆی ڕووبەڕووی ئینگلتەرا بوویەوە.
لە ئەنجامدا شێرەکانی ئینگلتەرا توانیان یارییەکە بە سێ گۆڵی بێبەرامبەر شکست بە یونان بهێنن.
لەگەڵ دەستپێک و خولەکەکانی یارییەکەدا، ئینگلتەرا لەڕێگەی ئونی واتکینس لە خولەکی حەوت تۆڕی گۆڵی خاوەن یاریگای هەژاند، دوای ئەوە یاریێکی بەهێز بینرا و ناوبژیوان چەندین کارتی زەردی بەڕووی یاریزان بەرزکردەوە و ئەو تایمە بەو شێوەیە مایەوە.
لە دووەم تایمدا، ئینگلتەرا باشتر گەڕایەوە و زیاتر کۆنترۆڵی تۆپی لابوو، هەردوو هەڵبژاردە لەو تایمەدا چەندین گۆڕانکاریان ئەنجامدا و چەندین هێرشیان بردە سەر گۆڵی یەکتر،
هەڵبژاردەی یونان لە خولەکی 77 بە گۆڵێکی هەڵە لە خویان ئینگلتەرای کردە خاوەن گۆڵی دووەم، لە خولەکی 83دا جارێکی تر کورت جونس گۆڵەکەی بەسەرکردەوە و گۆڵی سێیەمی تۆمارکرد.
بەم سەرکەوتنە، هەڵبژاردەی ئینگلتەرا لە پلەی یەکەمی گرووپی دێت بە کۆکردنەوەی 12 خاڵ و بە جیاوازی گۆڵ لەگەڵ یونان.