کانزای مەگنسیۆم یەکێکە لە کانزا گرنگەکان بۆجەستە و کەمبوونی کاریگەری لاوەکی لەسەر تەندروستی دەبێت، چونکە مەگنسیۆم یارمەتی ئەنزیمەکان دەدات بۆ جێبەجێکردنی کردارە کیمیاییەکانی جەستە، ڕۆڵی لە بەرهەمهێنانی پڕۆتینەکاندا هەیە، یارمەتی بەهێزبوونی ماسولکە و ئێسکەکان دەدات و کۆنتڕۆڵی ڕێژەی شەکری خوێن دەکات.
کەمبوونی کانزای مەگنسیۆم لەجەستەدا ڕاستەوخۆ درکی پێناکرێت تا ڕێژەکەی بەشێوەیەکی بەرچاو لەجەستەدا دادەبەزێت، بەپێی ماڵپەڕی”میدیکاڵ ئێکسپرێس” توێژینەوەکان سەلماندویانە لە وڵاتە پێشکەوتووەکانیشدا بەڕێژەی %10 بۆ %30ی دانیشتوانیان کەمی ئەم کانزایەیانەی هەیە و نیشانەکانیشی بریتین لە:
-لەدەستدانی خواستی خواردن
-ماندوێتی
-دڵتێکەڵهاتن و ڕشانەوە
-ئەگەر بۆماوەیەکی زۆر فەرامۆش بکرێت مەترسی توشبوون بە نەخۆشییە درێژخایەنەکانی وەک دڵ، فشەڵبوونی ئێسکەکان، شەکرە لەجۆری دوو، ژانەسەری نیوەی و زەهایمەر زیاددەکات.
چارەسەرکردنی لەڕێگەی زیادکردنی ئەو خواردنانەی دەوڵەمەندن بەم کانزایە بۆ سیستمی خۆراکی باشترین ڕێگایە و بەڕێژەیەکی زۆر لە چەرەساتەکان، تۆوەکان، دانەوێڵەکان، پاقلەمەنیەکان، سەوزەواتەکان، شیر، مۆز و ئاڤۆکادۆدا هەیە.