بەرزبونەوەی پەستانی خوێن دەستپێکێکە بۆ توشبوون بە نەخۆشیەکانی دڵ، بۆیە پێویستە بە زووترین کات چارەسەر بکرێت، تویژینەوەیەکی نوێ دەریخستووە شەربەتی چەوەندەر یارمەتی دابەزینی پەستانی خوێن دەدات.
شەربەتی چەوەندەر بەشێوەیەکی سروشتی پەستانی خوێن دادەبەزێنێت و مەترسی توشبوون بە نەخۆشیەکانی دڵ کەمدەکاتەوە، کە دەبنە هۆی جەڵتەی دڵ، چونکە شەربەتی چەوەندەر نیتراتی تێدایە و لەماوەیەکی زۆر کەمدا پەستانی خوێن دادەبەزێنێت.
پێویستە چەوەندەر بۆ سیستمی خۆراکی زیادبکرێت لە خواردن و زەڵاتەکاندا یان بەشێوەی شەربەت بەکاربهێنرێت و بخورێتەوە، بەڵام لەگەڵ ئەوەشدا دەبێت بەرێژەیەکی گونجاو بێت و زیادەڕەوی تێدانەکرێت بۆئەوەی زیانی تەندروستی لێنەکەوێتەوە.