قژ پێویستی بە گرنگیدانی تایبەتە بۆئەوەی تێكنەچێت و وشک نەبێت و درێژ ببێتەوە، وێرای گرنگیدانیش بە قژ کۆمەڵێک هەڵە لەکاتی خەوتدا دەکرێت کاریگەریی نەرێنی لەسەر دروست دەکات.
بەپێی بابەتێکی ماڵپەڕی ” lebanon24″ خەوتن بە قژی تەڕەوە بەبێ وشککردنەوە دەبێتە هۆی هەوکردنی پێستی سەر و گەشەکردنی بەکتریاکان.
پسپۆران ئاماژە بەوە دەکەن کە خەوتن بە قژی تەڕەوە دەبێتە هۆی هەوکردنی پێستی سەر و دروستبوونی خورو، دەبێتە شوێنێک بۆ گەشەکردنی بەکتریا و دروستبوونی کڕێش ئەمەش زیان بە تەندروستی قژەکە دەگەیەنێت و هۆکارە بۆ قژهەڵوەرین.
هەروەها خەوتن بە قژی تەڕەوە دەبێتە هۆی بژبوون و شکاندنی تاڵەکانی قژ، رێگە نادات قژەکە درێژ ببێتەوە و مخۆرکەی قژ دروستدەبێت جگە لەوەش هۆکارە بۆ تووشبوون بە ژانەسەری توند.
تەنیا زیان بە قژ ناگەیەنێت بەڵکو زیان بە پێست دەگەیەنێت و دەبێتە هۆی هەوکردن و گەشەکردنی بەکتریا لەسەر پێست و دروستبوونی زیپکە.