ئه‌مڕۆ سێشه‌ممه 24ی 12ی 2024، فه‌رمانده‌یی ناوه‌ندیی ئه‌مریكا (سینتكۆم) ڕایگه‌یاند كه له هێرشێكی ئاسمانیدا له سووریا دوو چه‌كداری داعش كوژران.
(سینتكۆم)، له تۆڕی كۆمه‌ڵایه‌تیی (ئێكس) ڕاگه‌یاندراوێكی بڵاو كرده‌وه و تێیدا هاتووه، كه هێزه‌كانیان هێرشێكی ئاسمانییان له پارێزگای دێره‌زووری سووریا ئه‌نجام دا و به هۆیه‌وه دوو چه‌كداری داعش كوژران و چه‌ند چه‌كدارێكی تریش بریندار بوون.
هاوكات ئه‌وه‌ش خراوه‌ته ڕوو، تیرۆریستان بارهه‌ڵگرێكی پڕ له چه‌كیان پێ بووه و هه‌ر له ئه‌نجامیی هێرشه ئاسمانییه‌كه‌دا تێكشا.