وەزارەتی دەرەوەی ئەڵمانیا دەڵێت، پێویستە کوردان رۆڵیان لە پرۆسەی گۆڕانکاری سیاسی سووریادا هەبێت.
وەزارەتی دەرەوەی ئەڵمانیا لە لێدوانێکدا داوای ڕاگرتنی شەڕی باکووری سوریای کرد کە لە نێوان هێزەکانی سوریای دیموکرات و چەکدارانی سوپای نیشتمانیدا بەردەوامە. وەزارەتەکە وتی، ئێستا پێویستە شەڕ کۆتایی پێ بێت و لە پرۆسەی گۆڕانکاری سیاسی سوریادا رۆڵ بدرێتە کوردان.
گوتیشی، پێویستە سوریای نوێ هەڕەشە لە دراوسێکانی نەکات.
دوێنێش لە ریاز وەزیری دەرەوەی ئەڵمانیا رایگەیاند، بۆ یارمەتیدانی سوریا ٥٠ ملیار دۆلار پێشکەش دەکەن و جەختی لەسەر گفتوگۆیەکی سیاسی فراوان لە نێوان هەموو پێکهاتەکانی سوریادا کردبوو دوور لە جیاکاری ئایینی، نەتەوەیی، رەسەنایەتی و رەگەزی.
