مایک واڵتز، ڕاوێژکاری ئاسایشی نیشتیمانیی حکومەتی داهاتووی ترهمپ، ڕایگەیاند ئەگەر حەماس ڕێککەوتنی ئاگربەست و ئازادکردنی بارمتەکان پێشێل بکات، ئەمریکا “لە ئەنجامدانی ڕێکارە پێویستەکان پشتگیری ئیسرائیل دەکات “.
مایک واڵتز، بە تۆڕی “سی بی ئێس”ی گوت: “حەماس هەرگیز کەرتی غەززە بەڕێوە نابات. ئەمە بە هیچ شێوەیک قبوڵ ناکرێت.”
واڵتز گوتی ترەمپ و تیمەکەی ئەم بابەتەیان بە نەتانیاهۆ ڕاگەیاندووە و زیادی کرد: “دەمەوێت گەلی ئیسرائیل دەنگی من بە بەرزی و ڕوونی ببیستن.”
ئەو گوتی: “ئەگەر حەماس لەم ڕێککەوتنە لابدات، پاشەکشە بکات یان مەرجی نوێ بخاتە ڕوو، ئێمە لە ئەنجامدانی ڕێکاری پێویست پشتگیریی ئیسرائیل دەکەین.”
واڵتز هەروەها سەبارەت بە توانای حکومەتی ترەمپ بۆ نێوەندگیری لە ڕێککەوتنی ئاساییکردنەوەی پەیوەندییەکان لە نێوان ئیسرائیل و عەرەبستانی سعودیە وەک بەشێک لە پەیماننامەکانی ئیبراهیم گەشبینی خۆی دەربڕی.
هەواڵی پێشوو