کۆمپانیای (Acer) دوو کۆنسۆڵی دەستی بە ناوەکانی (Nitro Blaze 11) و (Nitro Blaze 8) ڕاگەیاند جۆری (Nitro Blaze 11) ڕوونمایەکی گەورەی (10.95) ئینجی بە ڕوونی (WQXGA) و بە تێکڕای نوێبوونەوەی (144) هێرتز و ڕووناکی (500) نیت هەیە. هەروەها پرۆسێسەری (AMD Ryzen 8040HS) لەسەر جێگیر کراوە و (16) گێگابایت ڕام و (2) تێرابایت بیرگەی هەیە هەروەها کۆنسۆڵە دەستییەکەی تر کە (Nitro Blaze 8) ڕوونمایەکی قەبارە(8.8) ئینجی هەیە و زۆرینەی تایبەتمەندییەکانی لە جۆرەکەی تر دەچێت، بەڵام دەسکی جیاکراوە و ستاندی ناوخۆی نییە هەروەها کۆمپانیاکا رایگەیاند کە هەردوو کۆنسۆڵەکە لە چارەکی دووەمی ئەمساڵ بەردەست دەبن.