ئاژانسی هەواڵی زاگرۆس

سەرۆك بارزانی پێشوازی لە باڵیۆزی توركیا لە عێراق دەكات

 

ڕۆژی دووشەممە 17ی ئاداری 2025 لە سەلاحەددین سەرۆك مەسعود بارزانی پێشوازی لە بەڕێز ئانل بورا ئینان باڵیۆزی توركیا لە عێراق كرد.

لە دیدارەكەدا كە ئێرمان تۆپچوو كونسوڵی گشتیی توركیا لە هەولێریش ئامادەی بوو، بیروڕا لەبارەی بارودۆخی سیاسیی و دوایین پێشهاتەكانی عێراق و ناوچەكە ئاڵوگۆڕ كرا و ڕۆشنایی خرایە سەر پەیوەندییەكانی نێوان هەرێمی كوردستان و توركیا و هەروەها سەردانی وەزیری وزەی توركیا بۆ هەرێمی كوردستان.

هەنگاوەكانی پێكهێنانی كابینەی دەیەمی حكوومەتی هەرێمی كوردستان و دیالۆگی نێوان لایەنە سیاسیەكانی هەرێم و هەروەها هەڵبژاردنەكانی داهاتووی ئەنجوومەنی نوێنەرانی عێراق تەوەری تری ئەو دیدارە بوو.

هەواڵی پەیوەندیدار

سه‌رۆك بارزانی پیرۆزبایی له هەردوو ڕێكخراوی ‌یه‌كێتی قوتابیان و لاوانی كوردستان ده‌كات

سەڵاح

ئێران: ئەوانەی زانیاریان لەسەر هێرشی ئیسرائیل بۆسەر ئێران هەیە بەرپرسیارن

سەڵاح

خولی ئەڵمانیا.. لیڤەرکوزن سەرکەوتنێکی زەحمەتی بەدەستهێنا

یاسین