لە دوا یاریی قۆناغی هەشتی جامی یەکێتی ئینگلتەرا و لە یاری دێربیدا، یانەی مانچستەر یونایتد و لیڤەرپوول لە یاریگای ئولترافۆرد بەیەکگەیشتن.
لە ئەنجامدا یانەی مانچستەر یونایتد توانی یارییەکە بە چوار گۆڵ بەرامبەر سێ گۆڵ شکست بە لیڤەرپوول بهێنێت.
هەر لەگەڵ فیکەی ناوبژیوان یاریێکی گەرم و گوڕ دەستی پێکرد و مانچستەری خاوەن یاریگا دەستپێشخەری کرد و ماکتۆمینای گۆڵی یەکەمی لە خولەکی 10 تۆمارکرد،
دوای ئەوە گۆڵە ، هەردوو لا بەردەوامبوون لە هێرش و فشارەکانیان بۆ سەر گۆڵی یەکتر، یانەی لیڤەرپوول توانی لەو تایمە دوو گۆڵ لەڕێگەی یاریزانان ماک ئالیستەر و مەحەمەد سەڵاح لە خولەکەکانی 44 و دووی کاتی زیادکراو تۆماربکات.
لە تایمی دووەمدا هەردوو یانە چەندین هەوڵی تریاندا و چەندین گۆڕانکاریان ئەنجامدا بۆ تۆمارکردنی گۆڵی زیاتر، ئەوەبوو لە خولەکی 87دا ئەنتۆنی توانی گۆڵی یەکسانی بۆ شەیتانە سوورەکان تۆماربکاتەوە.
ناوبژیوان بەناچاری پەنای بردە بەر دوو تایمی زیادکراو، لە تایمی یەکەمدا و لە خولەکی 105 ئێلیۆت بەلێدانێکی بەهێز گۆڵی سێیەمی لیڤەری تۆمارکرد و یانەکەی پێشخست، لە تایمی دووەمدا مارکۆس راشفۆرد گۆڵی بەرامبەری بۆ مان یونایتد لە خولەکی 112 تۆمارکردەوە و یارییەکەی گەڕاندەوە خاڵی سفر، دوا بەدوای هێرشەکانی هەردوو یانە یاریزان ئاماد دیالۆ گۆڵی چوارەمی مانچستەری تۆمارکرد و یانەکەی گەیاندە قۆناغی داهاتوو.
بەم سەرکەوتنە، یانەی مانچستەر یونایتد گەیشتە یاری پێش کۆتایی جامەکە و لیڤەرپوولیش ماڵئاوایی لە جامەکە کرد.