له‌ ڕاگه‌یاندراوێكدا، ئه‌مڕۆ (پێنجشه‌ممه‌ 8ى ئایارى 2025)، به‌ڕێوه‌به‌رایه‌تی گشتیی حەج و عومرەى کوردستان، بڵاوی كرده‌وه‌:” رۆژی 16 /5 /2025 و به‌ دیاریكراوی دوای 8 رۆژی دیكه‌، یه‌كه‌م كاروانی حاجیانی كوردستان به‌ ڕێگای وشكانی به‌ره‌و عه‌ره‌بستانی سعوودیه‌ به‌رێ ده‌كه‌ون.

پێشتر، ڕۆژى چوارشەممە 30ی 4ی 2025، بەڕێوەبەرایەتیی گشتیی حەج و عومرەی هەرێمی كوردستان بڵاوی كردەوە، كە شێخ نیاز ڕاغب نەقشبەندی، سەرۆکی شاندی حاجییانی کوردستان، ڕایگەیاند: “هەموو ئامادەکارییەکمان بۆ پێشوازیکردن لە وەرزی حەجی ئەمساڵ کردووە و هەوڵدەدەن باشترین خزمەت پێشکەش بە حاجییانی کوردستان بکەین.”

ئاماژەی بەوەش داوە، كە “حکوومەتی هەرێمی کوردستان بەردەوام پاڵپشتی پڕۆسەی حەج و عومرە دەكات، بۆ ئەو مەبەستەش، “ئەمساڵ ڕێزدار مەسرور بارزانی، سەرۆکی حکوومەتی هەرێمی کوردستان، بەرێز د. پشتیوان سادق، وەزیری ئەوقاف و کاروباری ئایینی ڕاسپارد، کە بڕی 4 ملیار و 200 ملیۆن دینار پاڵپشتی پڕۆسەی حەج بکرێت تاوەکوو تێچووی حەج لەسەر هاووڵاتییان کەم بکرێتەوە.”

لەبارەی چوونی یەكەم كاروانی حەجخوازان، شێخ نیاز ڕاغب نەقشبەندی ڕایگەیاند: “ڕۆژی 16ی 5ی 2025، یەکەم کاروانی حەجخوازانی کوردستان بەرەو سعوودییە بەرێ دەکەون.”