ڕەجەب تەیب ئەردۆغان، سەرۆککۆماری تورکیا، ڕایگەیاند، پرۆسەی “تورکیای بێ تیرۆر” گەورەترین دەستکەوتیانە و جەختی کردەوە، لە داهاتوویەکی نزیکدا ئەم پرۆسەیە لەسەر بناغەیەکی پتەو و دروست بونیاد دەنێن.
ئەردۆغان، لە کاتی بەشداریکردنی لە ڕێوڕەسمێکدا لە شاری ئەستەنبووڵ، گوتیشی، ئەوان بە دەستکەوت و خزمەتگوزارییەکانیان، ئاستەنگەکانی بەردەم گەنجان لادەبەن.
ناوبراو هەروەها ڕایگەیاند، ئەم دەستکەوتە، هاوشێوەی دەستکەوتەکانی دیکە، ڕادەستی گەنجانی ئەم وڵاتە دەکەن.
