ئێوارەی رۆژی یەکشەممە، لە هۆڵی شەهید مەهدی خۆشناو، لە نێو بارەگای لقی هەولێری یەكێتیی نووسەرانی كورد، ژمارە 3ی خولی نوێی گۆڤاری دەنگارە بڵاوکرایەوە.
رێوڕەسمی بڵاوکردنەوەی گۆڤارەکە بە ئامادەبوونى ئومێد خۆشناو، پارێزگارى هەولێر و سەرنووسەر و نووسەران و ژمارەیەکى دیکە لە هونەرمەند و رۆشنبیران بەڕێوەچوو.
گۆڤاری دەنگارە، گۆڤارێكی وەرزیی كولتوور و رۆشنبیریە و لە شەقڵاوە دەردەچێت، ئازاد حەمەدەمین، نەقیبی سەندیكای رۆژنامەنووسان سەرنووسەریەتی.