سبەی دووشەممە، یانەی ڕیال مەدرید ئامادەکارییەکانی بۆ وەرزی نوێ دەستپێدەکات ، یاریزانەکان یەکەم مەشق و ڕاهێنانیان ئەنجامدەدەن لەژێر سەرپەرشتی ڕاهێنەر چابی ئەلۆنسۆ.
پێش مەشقەکان لە بەیانیاندا پشکنینی پزیشکی بۆ سەرجەم یاریزانەکان دەکرێت، بۆ هەڵسەنگاندنی باری جەستەیی و تەندروستییان پێش دەستپێکردنی ئامادەکارییە فەرمییەکان.
ئەم قۆناغە بەشێکە لە پلانی ئامادەکاری بۆ ئەم وەرزە، کە تیایدا یانەی شاهانە ئاواتەخوازە ڕکابەری لەسەر هەموو نازناوەکان بکات، ئەمەش دوای ئەو گۆڕانکاریانەی لە تیپی تەکنیکی و هەندێک پێگەی یاریزانان لە ماوەی گواستنەوەی هاوینەدا ئەنجامدراون.